Ar tayaaw e por ka FKJGP wow khang yei chalan dieñ cha baar jylla

Ka seiñ FKJGP-Khliehriat Circle hapoh i yahkhmat u President ka seiñ, u Mishal Chyrmang deiwa synraan lang u Marhok Marboh uwa man u Vice President ka FKJGP-Jaintia Hills Zone deilang wa ki kattu katni ki dkhot ka seiñ ynnin ka sngi da lai booh dorkhat ki cha u Chief Forest Officer (CFO) ka Jaiñtia Hills Autonomous District Council (JHADC) wa cha u Divisional Forest Officer (DFO) Jaiñtia Hills Territorial Division yow chimkhia ki yei chalan ya ki dieñ cha baar ka jylla.

Ka seiñ da dawa ko wow khang yei chalan ya waroh ki jait dieñ kiwa mih na ki khloo wa na ki Saw Mill ki wym biang ya ki kot ki sla wa kiwa man pyrchah aiñ katkam ka aiñ Indian Forest Act neidaw wa ka seiñ da yoh ko chiboon ki ujor na ki paidbah wa i chalan tooh ya ki dieñ cha baar ka jylla da pynku dor cha wa palat ya ki dieñ hapoh ka jylla wei ini da pynchithom ko ya kiwa dooh wa duk wow ye u chna yung.

Chooh chooh da ong wa i chalan yong ki Saw Mill ya ki dieñ cha baar ka jylla toh neidaw wa ye dor ki wei na ini i daw kiwa boon ki dieñ da lai ki cha baar jylla hadooh wa da duna dieñ hapoh ka jylla wei da joor leh i sy’at dor ki dieñ cha i.

Da ong leh wa lada kamni ym em de wow nood u thied dieñ wei kiwa boon leh ki dieñ toh kiwa da lai cha baar jylla kam cha Assam wei yow pyndap yeini iwa emkaam cha baar jylla daw syllen lut ki khloo ki kjam ka jylla.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Neiliang ka seiñ da e por ko ar tayaaw wow khang yeini i chalan tooh ya ki dieñ ki wym biang ki kot ki sla cha baar ka jylla wei lada ka seiñ dang chem ko wa hadien ini i e por dang pteiñ ini, ki chnat sorkar kiwa pait ya khloo ki kjam daw hap ki wow bahkhlieh.