Lai sngoh pliang kiwa chet ja skur ha yung krehkaam ka DSEO wym em poisa de u thied baam

Ka seiñ kiwa chet ja sngi ha ki skur wa tip kam ka All Jaiñtia Midday Meal Workers Union ynne ka sngi da lai li sngoh pliang ja ki haphrang ka yung krehkaam ka District School Education Officer, West Jaiñtia Hills kam ka dak u pynsñiaw cha ka sorkar wym em de ki iyi iyi u baam neibhah la 6 bnai kattu wym em de yoh ki ya nong yong ki namo ka Honorarium.

Ha kani ka sngi najrong i rah pliang, rah siang, da rah haroh ki deilang wa ki Placard wa ong, “Wow chet ja yaki khynnah man-ka-sngi ha skur ymtoh i kreh sñiawbha”, “Su lut waroh ka nong wa 6 bnai yong ki næ pyndooh pyndam noh yaka PM-POSHAN ha Meghalaya”. Wei heijooh i por leh dawa ki na u Prime Minister Narendra Modi wow pynku noh yaka bhah poisa naka sorkar pyrdi.

Kiwa yahkhmat ka Union wa kynthup ya u Adviser u K.L. Pariat, u President u Jerry Anderson Suting wa kiwi da yohlaad haroh ki u pynsñiaw yei eh i khoo yong ki haka DSEO, West Jaiñtia Hills ka A. Syiem. 

Neiliang u K.L.Pariat hawa klam wa kiwa thoh khubor khana u wa kam kani ka yakhih da pynman ha kylleiñ ki District Headquarter ka jylla yow pynyoo yei dukhi mynsien neibhah wom em de ki iyi iyi, wei lada ka sorkar ym ap ko, ka yakhih daw nang joor chooh chooh ko.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Heiyatoh yei rukom su nong ya ki, ka bhah naka sorkar pyrdi toh 90%, wei 10% naka sorkar jylla. Kamwa man kattæ ka bhah yong ka sorkar jylla wa jooh yoh ki toh Rs. 100 iwa da pynku ki cha ka Rs. 1000 hawa kheiñlang da man ko Rs. 1100, katwa ka bhah naka sorkar pyrdi won dang neh Rs. 900 hadooh katni.

Chooh chooh ong u ka sorkar jylla em poisa hi ko wei ileh wym ye u pynbait ko mo deiwa su chwa na ka, hawa i bhah naka sorkar pyrdi daw wan hi ko, weileh hap ki u yang hadooh wa poi ka bhah naka sorkar pyrdi.

U Jerry Anderson Suting, President ka All Jaiñtia Midday Meal Worker’s Union, kamjooh leh u Vice President ka Union of Cook Cum Helper PM-POSHAN Meghalaya, ong u wa da booh por ki hapoh ka 13 tarik uni u bnai yaka sorkar yow su lut yei nong wa dadep kreh ki, wei lym man kaam daw pynman ki dei yakhih wa rap heh ha Shillong.