Ka seiñ kieñ suloi ki Palestine wa tip kam ka Hamas ynne i step da siat syndet ki palat 2,000 tylli Rocket chapoh ka Israel ha ki bynta ka Gaza Strip iwa man leh iwa joor dooh wa leh ki kamni hadien boon snem.
Ha ini wa jia da em 22 ngut ki nong Israel kiwa da yap wei da ki spah ngut kiwa da mynsoo.
Najrong ki Rocket da em leh ki bru wa rah suloi kiwa da psiah chapoh Israel na khyndaw, na suiñ wa na duriaw, da pyntip u Defense Minister ka Israel, u Yoav Gallant.
U Prime Minister ka Israel, u Benjamin Netanyahu da ong u wa kani toh ka thma wei kattæ ka Israel da em ko ha ka thma, “Kini kiwa leh yeini daw pynuiñ cha ki dei wym jooh ym yoo ki nachwa”. Da pyntip u leh wa daw lai sai chwa ya kiwa chong chnong kiwa da chah ktah na ini wa da jia.
U Mohammed Deif, u heh ka Hamas da ong wa kani toh ka “Operation Al-Aqsa Flood” wei da khut u ya waroh ki Palestinian wow yaleh pyrchah yow pynkut noh yeini chah kam chnong ki ha ka Israel.
Heiyatoh wa ini, u Montri Rangbah ka Meghalaya, u Conrad Sangma da pyntip u wa da em 27 ngut ki nong Meghalaya kiwa da sahkut ha Bethlehem na ini wa jia wei da yaklam u wa ka chnat Ministry of External Affairs yow ye ki wow liwan deiwa suk.
Discussion about this post