Hadien boon sngi wa im hei tieñ i sorsa, ki 26 ngut ki khynroo khyllood wa lai puræ na ka jylla da poi ki ha Shillong ynne i janmiet na Sikkim hadien wa chlai ka wah Teesta ha i step synyaaw ka 4 tarik.
Kini ki 26 ngut da poi ki ha Inter-State Bus Terminal (ISBT), Mawiong, Shillong heipor 6:42 i janmiet.
Kini kiwa na ka jylla toh kiwa puræ ha Himalayan Pharmacy Institute wa ha Sikkim Manipal Institute of Technology ha Majhitar, East Sikkim wei da pynsñiaw ki sñiawkmen wa da poi suk ki cha ka jylla.
Neiliang kini ki khynroo khyllood da yaroh ki ya ka sorkar Meghalaya wa da chimkhia ko wow wan choo ki wut-wut na Sikkim.
Da ong ki wa u Montri Rangbah ka jylla, u Conrad K Sangma leh da yaklam u wa ki waroh wow pyntikna wa poi yung ki deiwa suk.
Da khana ki wa ka sorkar Meghalaya da kreh ko khlem sangeh wow pyntikna u wanrah ya ki deiwa suk cha jar jiar ki chnong yong ki. Ya ki kari da pynkhreh yow kit ki na Sikkim cha Siliguri, West Bengal, wei da pynkhreh Bus ka sorkar wow kit won ki cha Shillong.
Discussion about this post