Ka Seiñ Kur Dkhar Jaiñtia Hills Central Body da kwah ko wow pynche paidbah yei mih khubor uwi u bru wa tip kam u Ratan Dkhar uwa chong wa sah ha Ummulong uwa da chah kem ha ki pulit ka East Jaiñtia Hills hajrong ki kaam pyrchah aiñ u deiwa chna dawai kyoh wa tip kam ki Phensedyl.
Hajrong ini, ka Seiñ Kur Dkhar da ong ko wa uni u bru toh uwa kam donhi wa oo toh u jait Dkhar wei da pyntikna yeini da ka Seiñ Kur Dkhar Khliehtyrchi Circle kawa da lai takit bniah deilang wa ki dkhot ka Central Executive Committee wei da chem wa uni u bru toh u dkhar namo u Non-Tribal uwa na baar jylla heiwa i kur u toh yong Sarkar.
Ka seiñ kur da beiñ joor ko yeini deiwa dawa wa toh u pyndam noh yei pynemkaam yei jait kur Dkhar na waroh ki kot ki sla yong oo waroh wei lada ym leh yeini ka Seiñ Kur Dkhar daw leh ko deiwa eh katkam ki kyndon ka kur wa ki aiñ sorkar.
Ha iwi won i liang, ka Central Body waroh kawi lyngba u President yong ka, u H.C. Dkhar wa u General Secretary yong ka, u H.H. Dkhar da maham ki leh ya kitu kiwa e kot yow pynsakhiat yei kur Dkhar cha kiwi khlem da yoh bor na ka Seiñ Kur yow myntoi samen, wei kini toh u pyndam noh ki syndon yeini chwa u chem ka kur ki khnang yow lait ki nei chah pynchitom na ka kur wa na ki bor yong ka aiñ.
Puræ leh: Da ka karkhana chna dawai Phensedyl yoh kem syndon ki pulit ka East Jaiñtia Hills
Discussion about this post