Ka Federation of All School Teachers of Meghalaya (FASTOM) kawa man ka seiñ kiwa sikai skur Adhoc da dep ko wow pynman ya ka General Meeting namo ka yalang paidbah ha ka 7 tarik uni u bnai ha madan New Nongstoin Football Playground.
Ya ka yalang da pynlai da u Vice President ka FASTOM, u Sanborn Jungai wei ha kani ka yalang da wan wow chimbynta da kamwa 5,000 tam kiwa sikai Adhoc, kiwa sikai ha ki LP School wa ha ki Higher Secondary School wei ha kani ka sngi da pynskem leh ya kiwa krehkaam wa pura yong ka FASTOM Central Body neibynta u snem krehkaam 2023-26.
Kiwa kitkaam wa da pynskem toh u President da u Diningroy Marwein, u Vice President da u Sanborn Jungai wa u Kinstar Momin, u General Secretary da u Sainbor John Lyngdoh, ki Joint Secretary da ka Deviana Syiem, ka Evangeline Niangti wa u Senendro R.Marak, u Finance Secretary da u R. Sparland Khardewsaw, ki Organising Secretary u Rapborson Kharsynteng wa u Biarson Marak, u Publicity Secretary da u E.G. War, ki Auditor da u Evansius Marwein wa u David Lyngkhoi.
Ha kani ka yalang da chim ya ka rai da ki dkhot ka FASTOM wow e por ya ka sorkar wow pynmankaam noh yei dawa ka Federation yow pynku kyrdan namo wow Upgrade noh ya waroh ki Adhoc School nadooh ki LP hadooh Higher Secondary hadooh ka 30-04-24 yow man noh ki kam ki Deficit School.
Ka Federation da rai skem ko wa lada ka sorkar u leh mutlop ko hadooh katai ka tarik, daw mih biang cha sarok yow pynman da ki yakhih wa rap khor.
Discussion about this post