Ujor FIR ka KSU-EJHDU pyrchah ya u Project Director ka NHAI

Ka KSU East Jaiñtia Hills District hapoh i yahkhmat u Streamly S. Suchen da ujor pyrchah ko ya u Project Director ka NHAI hajrong i wym mano u wow pynmiat ya u sarok.

Da ujor pyrchah ya u Director ha u Superintendent of Police ka East Jaiñtia Hills District ynne ka sngi.

Ka seiñ hadien wa ujor FIR daw yachem ko sa ya u Deputy Commissioner ka District mynstep ka sngi wow paan ya ka bui (Report) wa kammon ki kaam lai ki heiyatoh wa u sarok.

Ya ini da leh ka seiñ neibhah wa ka NHAI ym pait ko ya i eh i khor wa chem ki paidbah lyngba uni u sarokbah NH-6 uwa da nang joor i sih katwa dang lai i por.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka seiñ da suba ko wa boi em iyi iyi cha lyndet heiyatoh wa ki kaam Contract heiwa ka da ong wa lada ym yohsa daw dawa takit da ka CBI.

Da ong ko leh wa i wym chimkhia ki bor wa pait ya ini da pynbor wow chim sa da kiwi leh ki rai khnang wow suk ki paidbah neini chaphrang.

Kam wow pynkynmoo wa u Technical Manager ka NHAI da dep u wow kular yow pynchna ya u sarok hapoh 6 tayaaw hadien wa da pynman yakhih deiwa khang noh ya ka Toll Plaza wa em ha Lumshnong ha ka 8 tarik u Naisaphra tangwa hadooh katni ym pu em sdang i kreh yow pynchna noh ya u sarok.