U Symbood Montri Rangbah uwa pait leh ya ka chnat Transport, u Sniawbhalang Dhar da ong u wa ka sorkar ym pu em dam ko yei thmu wow wanrah luti rel ha Jaiñtia wa Khasi Hills neibhah hadooh kattæ leh dang pynman yei pynsñiawthooh paidbah.
Heijooh i por da ong u wa ka sorkar kattæ ym pu em chim ko ya iwon iwon i rai wei du hadien wa da em i ya sñiawthooh lang yong waroh daw chim ya ka rai neibhah ymtoh wa em kiwa pyrchah ya ka luti rel tangwa ym sñiawthooh donhi ki wei toh i kaamram ka sorkar wow pynsñiawthooh ya ki.
Tangwa da ong u wa lada em hi kiwa pyrchah, ka sorkar leh ym lai ko chakhmat wei daw dam noh ya ini i thmu lada ym yoh yei mynjur yong waroh.
Heiyatoh won wa ki kyndon wa da booh kiwa pyrchah wow pynbiang ki aiñ yow yada nei wan psiah laitlan kiwa na baar jylla, u Sniawbhalang da ong u wa da dep booh ya ka Check Gate ha Umling wei kiwi daw pynkrehkaam.
Kamtæ da ong u wa ka sorkar daw pteiñ ko wow pynsñiawthooh wei wow yaklam wa ki paidbah.
Discussion about this post