Kam wow chimbynta ha ka Mock Exercise on Earthquake and Landslide yow pynkhreh lada jia wa khih khmi wei oor khyndaw wa pynman da ka Meghalaya State Disaster Management Authority (MSDMA) deiwa ya krehlang waka National Disaster Management Authority (NDMA), Ministry of Home Affairs ka sorkar India, neiliang ka District Disaster Management Authority (DDMA), East Jaiñtia Hills District leh da ye ki wow pynman ya kani ka Mock Exercise deiwa jop ha Khliehriat West, ha yung krehkaam u Block Development Officer, Khliehriat, ha Khliehriat Presbyterian Secondary School, ha Civil Hospital, Khliehriat, ha 1 India Family Mart, Khliehriat, ha Seiñ Raij L.P School, Moolyngkut wa ha Meghalaya Cements Ltd, Thangskai katwa ya ka Staging Area da booh ha madan ka Khliehriat Higher Secondary School, Khliehriat.
Ya waroh ini da leh da ka Incident Response System (IRS) heiwa ki Incident Response Teams da chimbynta ki wow leh ya waroh i jait katkam i kaam wa da pynkit ha ki.
Ha kani ka sngi da pynman yei thooh ya kitu kiwa sahkut hapoh ki yung ki sem, i e sumaar First Aid, i kit da ki Ambulance cha ki thaw sumaar deiwa chimbynta ki pulit, ki Fire & Emergency Services, Civil Defence & Home Guards, kiwa kreh Hospital, kiwa chong chnong, ki Volunteer, ki NSS Unit na Jaintia Eastern College, Khliehriat wa na Don Bosco College, Byndihati.
Hadien wa pynman ya ka Mock Exercise, da pynman won sa ka yalang wa waroh ki District lyngba ka Video Conference yow sñiawthooh yeiwa biang wei yeiwa duna.
Kiwi de ki thong kani ka Mock Exercise toh yow tip hadooh katwon i pynkhreh kiwa kreh ha ini i kaam wei kamjooh hadooh katwon smat ki wow leh yei kaam wei kamjooh leh man ko kam wow pynsñiawthooh paidbah.
Discussion about this post