U Deputy Commissioner (Supply) ka East Jaiñtia Hills District da pynbna paidbah u wa da pynlait ya u khoo rachon NFSA neibynta uni u Naichiphaw hapoh East Jaiñtia Hills District.
Ya u khoo AAY daw saam 35 kilo chi yung chi bnai khlem da emkaam u su poisa namo dei mynkna.
Ya u khoo PHH daw saam 5 kilo chi khlieh chi bnai khlem da emkaam u su poisa iyi iyi katwa ya u khoo Non-NFSA won daw saam 7.215 kilo chi yung chibnai hei dor dai yonglang kawa Rs. 12 chi kilo katwa i dor dai khutia ym toh u palat ya ka Rs. 14 chi kilo.
Lada em kiwon kiwon ki wym hun hajrong i rukom saam ya u khoo da kiwa saam ki wym thaw khia katkam wa da booh, ki paidbah ye ki wow ujor cha u Deputy Commissioner (Supply) ka East Jaiñtia Hills District næ ye ki wow Phone cha u Number wym emkaam u su namo u Toll Free No. 1697 wei ye ki leh wow ujor cha u District Grievances Officer ka East Jaintia Hills District.
Discussion about this post