Ka lympung yalehbol wa tip kam ka 3rd Sniawbhalang Football Tournament daw pynman ya ka Stadium Wahiajer wei ha kani ka Tournament u chah du ya ki chnong kiwa em hapoh ka 1-Nartiang Constituency donhi wei kiwa yalehke leh toh u man ki du kiwa napoh ka 1-Nartiang Constituency donhi.
I thmu yong kani ka Tournament toh kam chibynta u pynku yei sap kiwa yalehke kiwa em hapoh ka 1-Nartiang Constituency wei ha uni u snem kiwa jop ya ka Final u yoh ki Rs. 4,00,000 kiwa rem Rs. 1,50,000, kiwa jop ha ka yaknieh yow yoh wa le (3rd Place) u yoh ki Rs. 30,000 katwa kiwa rem won u yoh ki Rs. 20,000.
Yow tip bniah ye phi u Phone ha u Kmenlang Shylla, President Tournament (9856218742), u Dauni Phawa, Secretary Tournament (8787611280), u R Shylla, Vice President Tournament (7005976051), u B. Sungoh, Assistant Secretary (7005644891).
Ka tarik wa khaddooh u pdiang ya kiwa kwah u chimbynta toh ha ka 01-11-2023.
Kam wow pynknymoo wa ha ka 2nd Sniawbhalang Football Tournament ha u snem 2019, da wan ya chimbynta da 67 tylli ki chnong kiwa em hapoh ka 1-Nartiang Constituency, heiwa ka Wahiajer SC da yoh rah ko yei naam jop deiwa pynrem yaka Umladang SC.
Ya kani ka Tournament daw pynlut pnsep da u MLA ka thaaiñ, u Sniawbhalang Dhar, heijooh i por leh daw saam yaki Jersey cha waroh ki liang wa chimbynta ha kani ka Tournament chirup wa ki bol.
Discussion about this post