I jia wa iñ iwi i yung khyndaw-bilat wa boon mala wa yoo chyrkhei ynne iwa da jia ha thaaiñ Jailroad, Khyndailad, Shillong da pynyoo yei wym em pynkhreh ki bor pynlai District wei kamjooh ki pulit wa pynlai kari neibhah hadien wa jia itai ym lait de u lai ki kari kiwa wan cha thaaiñ Khyndailad iwa da wanrah yei sahkut kari boon kynta hadooh wa miet syndon.
Ini i iñ yung da wanrah ko yei sahkut kari leh ha waroh kawi ka sor Shillong da ki kynta heiwa kiwa lai wa wan da hap ki wow chong ha sarok wot hadooh boon tylli ki Ambulance wa em kiwa kjut leh ym lait de u khih.
I daw bah yong ini i sahkut kari toh nei booh No Entry ha kiwa boon ki laad wow lai cha Khyndailad, kam ha Lad Umsohsun cha Khyndailad, ha ka thaaiñ IGP da booh ar tylli ki No Entry kawi ha wa em ki Moopynyieñ wei kawi won hajan ka yung krehkaam u SP ka East Khasi Hills wa ha sarok Kashari hakhmat ka yung krehkaam ka DC.
Ini i jia wa iñ yung toh du hadien chi sngi wa dang pyndep ya ka Mock Drill heiwa da pynlut chiboon ka poisa wei por yow sikai kammon wow pynlait næ yada ha i por wa khih khmi wei wa iñ yung, chali um, oor khyndaw wa kiwi kiwi.
Ki pulit tympleh diñ da chem chitom ki leh wow poi cha kani ka yung wa iñ neidaw wa khian ki sarok wei da hap ki leh wow maad ya iwa boon i eh wei da chimpor wow tympleh yei diñ najrong wa kani thaw toh kawa em boon ki dukan wa ki paidbah wa lai wa wan wa kiwa chong dukan ha rood sarok.
Discussion about this post