I iñ iwi i yung khyndaw-bilat wa boon mala ha Jail Road, Khyndailad da wanrah ko yei yap noh yong uwi u bru uwa em ha kawi ka kamra kawa em ha katai ka yung, wei da pyntip wa i yap yong utai u bru toh neidaw wa yap op wym ye de u riñ mynsien wa joor i tdem wa mih nei diñ.
Neiliang u SP ka East Khasi Hills, u Sylvester Nongtnger da pyntikna u yeini wei ympu tip lada em namo ymem kiwa mynsoo neibhah hadien kop diñ wa yoo chytkhei, boon ki bru kiwa em ha katai ka yung da mih ki cha lait wei em leh kiwa da lai pynlait da ki pulit ka Fire Service.
Ini i iñ ini i yung toh iwa da jia heipor kamwa 1:45 ynne i sngi wei i daw wa sdang i diñ ym pu ye wow pyntikna hadooh kattæ wei boon kiwa suba toh wa pdung u tadong Gas wa chet baam.
Discussion about this post