I iñ yung wa da jia hei sngi ka 14 tarik da chim ko yei mynsien yong uwi u bru uwa da heh rta uwa tip kam u Sampat Singh Jangir iwa em ha Jail Road, Shillong.
Neiliang ki pulit wa tympleh diñ nyngkong da pyntip cha ki wa em ar ngut ki bru wa sahkut hapoh ini i yung wei da yaleh ki wow tympleh yei diñ wei hei khaddooh da ye ki wow sai ya u Sampat Singh wei da li kit ya oo cha Civil Hospital Shillong.
U Sampat neidaw wa da heh rta u ym ye du u wow yut nei diñ wei manda thooh da chem wa em du oo hapoh ini i yung ymtoh kamwa da ong kiwi wa em ar ngut.
Ini i yung toh iwa man tre da u Govind Singhania, u Murli Singhania wa u Nilesh Singhania.
Manda poi heipor 8:00waje i miet da ye wow tmpleh yei diñ neibynta iwa na khmat tangwa iwa nadien da pteiñ i wow kop.
Da wan wow pait yeini wa jia da ki heh sorkar wa kynthup ya ka Secretary ka Revenue and Disaster Management, kamjooh ka Executive Director ka State Disaster Management Authority, ka Matsiewdor War Nongbri, deilang waka Deputy Commissioner ka East Khasi Hills, ka RM Kurbah, deilang wa ki sahep ka sorkar wa ki heh pulit.
I daw wa jia ini ym pu ye u tip wei kiwa tympleh yei diñ da pteiñ ki yei kaam hadooh wa ye u jop.
Discussion about this post