Kiwa yoh kjut Dengue ha Ri-loom Garo da ku bha ki ha kani ka tayaaw heiwa boon kiwa yoh toh kiwa na chnong Tura heiwa da em leh uwi uwa yap ha ka 12 tarik ha Tura Civil Hospital.
Uni u bru toh uwa 52 snem i rta uwa da ku i iñ doh wei da ban leh kiwi ki kjut hadooh wa mih snaam i jabieñ u iwa da yah chei yap u.
Nadooh ka 3 tarik hadooh ka 12 tarik uni u bnai da em 139 ngut kiwa suba wa yoh Dengue wei 44 ngut toh kiwa da tikna hadien wa pyndep yei Test.
Ha ka chi sngi kiwa boon dooh kiwa yoh toh 9 ngut ha ka 4 tarik wei 8 ngut won ha ka 10 tarik.
Ki Doctor da ong ki boi ye u boon bar ya ini neibhah em leh ki bru kiwa lai phah Test ha ki thaw sumaar ki bru samen wei em leh kiwa yoh yeini i kjut kiwa chah sumaar ha yung wei da poi ki cha Hospital du hadien wa joor i chitom.
I daw wa mih kani ka kjut wa rah da ki mait toh neidaw wym em leh khooid wei boon kiwa ri sniang ha ki dong wa em ha Tura kamjooh leh i rah ya ki sniang wa dang im chapoh ka chnong wei da booh ki ha ki thaw wa boon chwa wow choh doh ki.
Discussion about this post