Ka 1st Division ka West Jaiñtia District Sports Association (WJDSA) kawa tip leh kam ka Chatister Kharkongor Memorial Trophy da poi ko cha ka sngi wa khad-ar ynne deiwa pynman ar tylli ki yalehke.
Da sdang da ka yalehke hapyrdi ka Moosalyngkat waka Sohmynting kawa da kut khlem em wa jop kawa da hap rah tarik ynne hadien wa ini wa dep neidaw wa em ka Final ka (L) Kesilroy Pala Invitation Football Tournament 2023 ha ka 13 tarik da hap pynpep ka.
Ha ka yalehke wa ar, ka Wahiajer SC da jop ko yaka Luti Tuber S.W. da 2-1.
Ya ka Wahiajer da thap kool da u Ebormi Jat haka minit wa 22 wa u Heimonmi Dkhar haka minit wa 35 katwa ya ka Luti Tuber da thap da u Swaki Dhar haka minit wa 48.
Ka yalehke wa bood u pynman mynstep hapyrdi ka Sabahmuswang waka Demthring heipor 2:00 waje i sngi.
Discussion about this post