1st Division EJHDFA: Psiah Semi ka Chiehruphi

Ka 1st Division 2023 ka East Jaiñtia Hills District Football Association (EJHDFA) ynne da sdang ko ya ka Quarter Final deiwa pynman ya ka yalehke hapyrdi ka Wahiajer NYSSC waka Chiehruphi SYWSC.

Ka yalehke man ko kawa yoosuk wei kawa ya ryngkat bor kawa da kut da 2-2 hadooh wa kut i por.

Ka Wahiajer mar ya sdang ka yalehke yoh wot ko u thap ya ki ar tylli ki kool lyngba u Yearly Mukhim haka minit wa 4 wa u Monme Mynsong haka minit wa 9 tangwa ka Chiehruphi da ye ko wow su chi kool lyngba u Sa-O-Bareh ha ka minit wa 23 lyngba ka Penalty yow pynkut ya ka kylla step da 2-1.

Ka Chiehruphi da ye ko pynryngkat ha ka kylla miet ha ka minit wa 58 lyngba u Suting Syrti yow rah ya ka yalehke cha ka yachut Tie-Breaker.

Related posts

Jop ka R. Shkenshynriah ya ka Shilliang Umshong ha ka Eliminator ka EJHDFA

November 25, 2025

Jop ka Chutwakhu ya ka Sohmynting ha ka Super Division ka WJDSA

November 25, 2025

Ha kani ka yachut Tie-Breaker, ka Chiehruphi da yoh ko yei jop da 4-2 yow psiah noh cha ka Semi Final.

Ka Quarter wa bood u pynman mynstep hapyrdi ka Rymbai Synrang Shahkhain waka Ladrymbai-B SC heipor 2:00 waje i sngi.