Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi.
Ha ka yalehke wa nyngkong ka Lumphyrnai Sohphoh da jop ko yaka Moonakhon Loomlynter da 3-0 da ki kool wa thap da u Habandajop Khynriam ha ka minit wa 17, u Slowel Lamare ha ka minit wa 22 wa u Pynbiangmi Mynsong ha ka minit wa 45.
Ha ka yalehke wa ar hapyrdi ka Khliehtyrshi SSCC pyrchah ya ka Kdohkule da kut ko da 0-0.
Ha ka yalehke wa le, ka Nongkhroh Krem Kum da jop ko ya ka Dongmihsngi SC da 2-1.
Ya ka Nongkhroh da thap da u Aibiang Nongrum ha ki minit wa 11 wa 14 katwa ya ka kool yong ka Dongmihsngi SC da thap da u Arwin Dkhar ha ka minit wa 9.
Discussion about this post