Hawa yoh u yaklam wa u Montri Rangbah ka jylla, u Conrad Sangma heipor wa wan u cha Jowai ha ka 17 tarik uni u bnai da yoh wow kylli heiyatoh wa i chna ya ka Iawmusiang Shopping Complex kawa da sahteiñ da ki phaw snem kattu.
U Conrad da ong u wa katwa ong wa tyrwa u MLA ka Jowai, u Wailadmiki Shylla ym du ya ka Iawmusiang tangwa kiwi ki kaam wa yatoh waka Jowai Constituency daw leh katkam wa emkaam yow pyndep yei kaam wei lada emkaam kiwi kiwi leh toh u lai pyntip cha u MLA yow wanrah hakhmat ka sorkar.
Neiliang u Wailadmiki Shylla uwa da emlang ha kani ka sngi, da ong u neidaw wa da ieh da boon snem khlem da pynchna da hap wow pyntikna wa ki yurim kani ka yung kamjooh ki chrot wa kiwi kiwi toh kiwa dang chkeh wei da phah pait yeini ha ka IIT Guwahati heiwa da yoh ya ka Report wei kattu ka PWD u pynkhreh ko yei lut i sep wa thymme chwa wow sdang yei kreh.
Da pyntip u hadien wa dep pynkhreh yei lut namo ka Estimate wow chna ya kani ka Shopping Complex, daw khut noh ya ka Tender wa thymme yow chna noh ya kani ka yaaw.
Discussion about this post