Ka KSU-EJHDU lyngba ka Education Cell ynnin ka sngi da phah chithi ko cha u Regional Director ka National Institute of Open Schooling (NIOS) kam chibynta i emkaam wow pynche paidbah hajrong kani ka thaw puræ ka sorkar pyrdi khamtam neibynta ki bru wa ieh chiteiñ por yei puræ yong ki na ki dak wa boon.
Ha ka dorkhat, ka seiñ da kyrpaad ko leh wow lai pynman yei pynsñiawthooh paidbah yow tip ki chaphang ka NIOS yow lai puræ ki ha kani ka skur kawa suk i rukom puræ puthi khamtam ya ki wym yoh por u lai skur pura yow ye ki u ku yow lait nei sahdien.
Kamtæ da kyntu wow pynman da ka Enrolment Drive ha East Jaiñtia Hills District yow e laad ya kitu kiwa dang kwah hi wow pteiñ yei puræ puthi deiwa pynsñiawthooh ya ki bei ki pa ki khynnah kamjooh ki chnong ki thaw.
Da ong leh emkaam wow pynwiar yei sñiawthooh bakla ki bru chaphang ka NIOS yow pynchlur ya ki bru wow lai puræ ki deiwa jied ya ka NIOS.
Da kyrpaad leh wow booh ya ka Study Centre ha East Jaiñtia Hills yow lait ki khynnah wow lai thoh Exam cha kiwi ki District.
Discussion about this post