U Montri ka chnat Social Welfare, u Paul Lyngdoh ynnin da pynskem u yei rai ka sorkar jylla wow yakhun pyrchah ya i pynemkaam drugs ha ka yalang wa da pynman yow yaklam hajrong ini i kaam.
Da ong u wa i yakhun u man i nadooh na tre deiwa sdang chwa na West Shillong Constituency, kawa man ka thaw wa joor bha i khayi wa i pynemkaam drugs wei kiwa chong chnong leh da ood bha ki yeini.
U Paul da kdaw u yei emkaam wow ya khana lang da waroh yeiwa tip ki nadooh ki dorbar chnong yow yoh buit kammon wow leh pyrchah wei wow wanrah leh yei ya krehlang.
Chooh chooh da ban joor u yei kaamram ki dorbar chnong wow krehlang ki ha ka DREAM Mission yow poi cha ka thong kani ka thma wow yakhun pyrchah yei drugs.
Ha kani ka yalang da rai leh wow sdang da ka State-Level Committee, wow pait yei pynkrehkaam ya kiwa boon kiwa da sdang wei yeini waroh daw lai rah hakhmat u Montri Rangbah ka jylla yow leh u yeiwa emkaam.
U Paul da kular u leh wow pynman ya ki yachem lang na i por cha i por yow yoh u yaklam yeiwa eh wa da maad kam i phah wan hajir hakhmat ka yung bichaar boon sien ya kiwa sakhi yei kem drugs hadooh wym bien de kiwa chong chnong wow ya krehlang.
Hajrong ini da ong u wa ka chnat Social Welfare wa ki pulit da krehlang ki yow pynkylla ya ki kyndon ka aiñ Prevention of Illicit Traffic in Narcotic Drugs and Psychotropic Substances (PITNDPS) Act yow thap da ki kyndon wow pynchlur ya ka imlang sahlang wow chimbynta ki.
Discussion about this post