Hei janmiet ka 18 tarik, u MDC ka Jowai Central, u Awhai Andrew Shullai da wan pynlait paidbah u ya ka khle nasib namo ki Ticket Raffle Draw yong ka Dorbar Chnong Chiliangraij Jowai.
Chwa wow pynlait ya kini ki Ticket da em ka yalang wa tbian wa da pynlai da u Waheh Chnong, u D.H. Pde, heiwa da khana wa i thong yong kani ka Fete toh neibynta wow pynmih poisa wow chna pynmiat noh ya ka Madan Yalehke Tiger Five kawa jooh pynman khlieh u snem.
U Andrew kam u kongsan ha kani ka janmiet da ong u kam ki dong næ ki chnong, lyngba kani donhi ka laad kam ka yaaw Fete ka wow yoh u pynmih poisa rap boon.
Hajrong kini waroh da e u yei kyntien kitbok kitrwiang ya ka Chiliangraij hei wow ye ko u pynlai ryntih ya ini i kaam, deiwa kyrsu kyntu nadooh kiwa chong chnong hadooh ki lok na jan wa na jngai wow chimbynta lang ki hei wow thied ya ki Ticket wa yatoh wa kani ka tamasa.
Wei kani man ko leh kam chibynta wow yarap kylliang hapoh ka imlang sahlang.
Ha kani ka janmiet da emlang u General Secretary, u Oriland Shylla, u Heisar Shylla Jt. I/c Fete, u Rafter Rymbai Jt. Secy. I/c Administration, u Heibormi Rymbai, Chairman Sports & Youth Affairs, u Mayalang Lanong Secy Sports & Youth Affairs wa kiwi.
Kini ki Ticket khle nasib toh kiwa daw pynkhle ha ka 09-12-2023 kawa man leh ka yaaw Fete kawa daw pynman ha ka 7, 8 wa 9 Kmaichonglad (Dec) 2023 wei ki Prize man ki kamni:
1st Prize Rs. 2,00,000
2nd Prize- Rs. 50,000
3rd Prize- Rs. 30,000
I dor Ticket man i Rs. 30 chi sla.
Discussion about this post