Ka 1st Division ka West Jaiñtia District Sports Association (WJDSA) kawa tip leh kam ka Chatister Kharkongor Memorial Trophy da poi ko cha ka sngi wa khad-san ynne deiwa pynman kawi ka yalehke.
Ka yalehke wa da pynman toh hapyrdi ka Evergreen Mukhla waka Moosyiem Shangpung heiwa ka Evergreen Mukhla da jop suk ko da 5-1.
Ya ka Evergreen Mukhla da yoh Hat-Trick u Nidaioh I Dhar uwa da thap kool ha ka minit wa 8, 20 wa 65, u Pynioladmiki Ryngkhlem haka minit wa 9 wa u Dauni Suna haka minit wa 76 katwa ya ka Moosyiem Shangpung da thap da u Kenny Langbang haka minit wa 43.
Ka yalehke wa bood u pynman mynstep hapyrdi ka Sohmynting waka Wahiajer heipor 12:00 waje pyrdi sngi.
Discussion about this post