I pynkhreh yow pynman ya ka Loomkyntoor Music Festival 2023 ha Loomkyntoor Resort wa em ha chnong Shken Pyrsit, West Jaiñtia Hills District da man i iwa lai bait wei u sdang kani ka tamasa nadooh myntu 5:00 waje i janmiet ka 20 tarik wei daw pynkut mynstep ka 21 tarik.
Neiliang kiwa pynman, kitæ ki Pulse Events da pyntip ki wa da booh leh ya ki dukan dai baam, dai ja wa boon wei da pynriam pynbait bha leh ya kani ka thaw da iwa phooh wa phieñ heiwa da em leh ki thaw chondur, da em leh ka Tree House wa ki thaw pynwyrngia ya ki khynnah.
Da em leh u DJ wa tem sur ya kiwa kwah wow muja ha Swimming Pool.
Myntu ka sngi sdang daw tem ki Larger Than 90 kiwa na Jowai, ki 5th Element kiwa na Shillong wa u DJ Zethan uwa na Shillong.
Mynstep won daw pynman leh ya ka yakob miat kynthai kawa tip kam ka Miss Loomkyntoor, daw em leh ka DJ Ola Ras kawa na Ukraine, kiwa tem na Delhi ki Black Slade wa kiwa na Mumbai, ki Sleeping Satellite deilang wa ki Lynx kiwa na Jowai.
Ki Ticket man ki Rs. 300 chi sngi wei lada thied phi waroh ar sngi u man ki Rs. 500 donhi.
Kamtæ da khut sñiawbha ya phi ki paidbah wow ya wan phi cha kani ka tamasa ka wow man kawa sahkynmoo.
Discussion about this post