Pynkhreh ka KNGC wow sdang noh ya ka ITEP kawa kynthup ya ka B.A B.Ed wa B.Sc B.Ed

Ka Kiang Nangbah Government College, Jowai da pynman ko ya ka “Handholding Session for Teaching Faculties on Implementation of ITEP aligned with NEP 2020” ha ka 18 tarik uni u bnai hei krehlang waka National Council for Teacher Education (NCTE), New Delhi yow pynkhreh yei pynkrehkaam noh ya ka ITEP. 

Ka Principal ka Kiang Nangbah Government College ka Dr. (Mrs) E.M. Blah, da e ko ya ki kyntien pdiang burom wei da ong ko wa ka Integrated Teacher Education Programme (ITEP) toh kawa thymme yow e hikai ya kiwa sikai kawa sdang da ka NCTE katkam ka National Education Policy 2020 ka wow e sikai ha ki Multidisciplinary Higher Education Institutions kam wow pyrchang hajrong ka thong wow pynkupbor ya kitu kiwa kwah u man kam kiwa sikai wei wow pyntikna wa mih kiwa sikai kiwa chkæh. Kamtæ da pynchlur ko ya ki khynnah wow pyntikna wow pynbiang yeiwa emkaam ki khnang wow poi ki ha ka thong.

Uwi na uwa sikai wa da naam ha ka ri wa man leh u ITEP Curriculum Core Committee Member, u Prof. R.C. Patel da man u kam u bru chemphang ha ka Handholding Session kam chibynta wow chdooh kti. Ka Prof. C. Nongbri na ka Education Department, North-Eastern Hill University, Shillong leh da embynta ko ha ka Second Handholding Session wei ya ka yalang da pynlai da u Dr. Teibor Papang, Assistant Professor ka College.

Ha ka bynta wa nyngkong u Prof. R.C. Patel, da khana u ya ka luti yong i chah hikai kiwa sikai nadooh wa sdang wei kammon ka ITEP da kylla ko nei dawa yong i por.  Da khana u leh chaphang ki kattu katni ki Education Commission kiwa da em deiwa e buit ya kiwa sikai wow puræ ki ya ka National Education Policy 2020 yow sñiawthooh ki ya ka thong yong ka. Da ngam yillu u chaphang ka ITEP wa kiwi ki Teacher Education Programme ki wow wanrah won hadien chirup wa kiwa da em chwa katni. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka bynta wa ar toh wow kylli yutip ya kawa da bhah ha ki soo bynta: Academic, Regulations, Admissions wa kiwi ya kiwa da batai che da u Prof. R.C. Patel wa u Prof. C. Nongbri.

Ka Principal, ki Head of Department ka College wa ki Integrated Teacher Education Programme Faculties, kiwa puræ ITEP da chimbynta ki ha kani ka sngi.

Kam wow pynkynmoo wa ka KNGC toh kawi na ki College kawa da chah jied wow pynkrehkaam ya ka ITEP hapoh ka ri kawa kynthup ya ka B.A B.Ed wa B.Sc B.Ed kawa soo snem.

Puræ leh: Da tipmit ya ka KNGC yow sdang ya ka B.Ed