Ka 1st Division ka West Jaiñtia District Sports Association (WJDSA) kawa tip leh kam ka Chatister Kharkongor Memorial Trophy da poi ko cha ka sngi wa khad-ynru ynne deiwa pynman kawi ka yalehke.
Ka yalehke wa da pynman toh hapyrdi ka Wahiajer SC waka Sohmynting SC heiwa ka Wahiajer da jop ko da 3-2.
Ya ka Wahiajer da thap kool da u Janario Phawa haka minit wa 36, u Ebormi Jat haka minit wa 40 wa u Niwan O Gatphoh haka minit wa 90+2.
Ya ka Sohmynting SC da thap da u Marlangki Suting deiwa thap bakla (Own Goal) haka minit wa 70 wa u Auspicious Pamthied haka minit wa 88.
Ka yalehke wa bood u pynman mynstep hapyrdi ka Khliehiongriang waka Moosalyngkat heipor 12:00 waje pyrdi sngi.
Discussion about this post