Jop ka Tpep-Pale wa ka Ladthadlaboh ha ka 1st Division

Jowai:  Ynne ka sngi ha ka ialehke wa nyngkong ha pyrdi ka Tpep-Pale wa ka Riatsaliya Mihmyntdu ka Tpep-Pale da jop ko da 3-2. Ka Tpep-Pale do ioh ko u thap chwa chi kol ha ka minit wa soo na ka kjat u Dasajeki Rymbai. Ka Riatsaliya da ioh ko u su kylliang hadein ar minit da ka kol wa thap u Ronaldo Toi ha ka minit wa ynnru. Ha ka minit wa 45 ka Tpep-Pale da pyntam biang ko sa chi kol deiwa ioh u Renold K. Mujat u thap ia ka kol wa ar ia ka Tpep-Pale.

Ha ka kylla miet won da su kylliang biang ka Riatsaliya ha ka minit 58 da ka kol wa thap u Sarli Phawa. Hadein ar minit ka Tpep-Pale da pyntam biang ko sa chi kol da ka kol wa ar iong U Renold K. Mujat ha ka minit wa 60. Kamtea ka Tpep-Pale da jop ko 3-2 ka kani ka sngi.

Ha kawi tawan ka ialehke ha pyrdi ka Ladthalaboh wa ka Nangbah Iawmusiang da jop ka Iawmusiang 2-1. Ia ki kol da thap da u Hemanioo Lamare ha ka minit wa 27 wa u Marbiang Suchaing ha ka minit wa 78 ia ka Ladthadlaboh. Ia ka kol wa samen iong ka Nangbah Iawmusiang da thap da u Pynbhalangmiki Susngi ha ka minit wa 43.

Da ini i jop ka Ladthadlaboh da ioh ko u psiah cha ka semifinal dei wa pyllang ko 12 point na ki 5 tylli ki jingiakhun.

Related posts

Khut ka Wahiajer Sport Club cha ka Football Trial yow jied ya kiwa yalehke Super Division

July 9, 2026

I pyntip wa emkaam cha ki Team, ki Club wa em hapoh ka Thadlaskein Sport Association

July 8, 2026

Ia ki ialehke wa sah neidaw wa pynwit u slap ka lyer daw ialeh ha ka 07-10-15 ha pyrdi ka Panaliar SC Vs. Lumiongkjam SC ha i por 1 waje i sngi. Ka Mookyrdup SC Vs. Luti Tuber Ialong SC ha i por 3 waje janmiet ha ka jooh ka tarik.