Chongchit ka yaaw dai baam ka PWWO 

Ynne ka sngi ka seiñ kynthai ka Panaliar Women Welfare Organisation (PWWO) da pynman ko ya ka yaaw dai baam namo ka Food Fest wow kyntu kynrong ya ka yarong poisa ka seiñ.

Ya kani ka yaaw da pynman ha Yungwalieh ka Panaliar, Jowai heiwa u EMH Passah da man u kam u kongsan.

Ya ka yalang wa tbian da pynlai da ka Biangtre Bamon kawa man ka Chairperson ka PWWO wei da yoh ya ki kyntien ngooh Blai na ka Tiptre Bamon.

Neiliang u EMH Passah hawa e yei klam da ong yaroh u ya ka PWWO wa da pynman ko ya kani yaaw. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u wa i chongsuk man iwa emkaam ha ka chnong ka thaw wei ki kynthai wa ki manbei em ki ka kaamram wa kongsan bha nadooh na yung hadooh ha lait. 

Heijooh i por da ong u wa ha ka juk wa katni emkaam wow pynneh ya ki baam tynre yong idæ hanlada em ki baam wa thymme yong ka juk wa katni.

Da kitbok u leh ya ka PWWO wow man kawa jop ym du ha kani ka yaaw tangwa wot ya ki kaam yong ka chaphrang.

Da yoh leh i klam na u Waheh Chnong, u Riquoma Rq. Laloo, ka ER Unita Pakma, ka Treforda Challam wei ya ki kyntien khublei da yoh na ka Suma Passah. 

Ya ki baam da pynkhreh na jar jiar ki kyntoit yong ka Panaliar kiwa da chet ya ki baam wa har rukom.