Ka 1st Division 2023 ka East Jaiñtia Hills District Football Association (EJHDFA) ynne da sdang ko ya ka yakhun Semi Final da ka yalehke hapyrdi ka Chiehruphi SYWSC waka Khliehriat West FC.
Ka yalehke da man ko hapyrdi kiwa ya ryngkat bor wei ka yalehke da poi ko chadooh ka Extra Time.
Ka Chiehruphi da thap nyngkong ko haka minit wa 8 lyngba u Sakhiat Sympli wei da ban ko sa chi kool haka minit wa 28 lyngba u Bretly Nongtdu tangwa ka Khliehriat West chwa u kut ka kylla step da thap ko ar kool ha chi minit ka wi lyngba u Shanbor Malang haka minit wa 41 da ka Penalty wei da pynbood haka minit wa 42 da ka kool u Dawyoo Bhoi.
Ka kylla miet da lai ko dei wym em wa yoh u thap kool wei da kut chwa ka yalehke da 2-2.
Kamtæ da pteiñ ya ka yalehke deiwa pynman sa ka Extra Time heiwa u Suting Syrti haka minit wa 99 da thap u ya ka kool yow pynjop ya ka Chiehruphi.
Da ini i jop, ka Chiehruphi da psiah ko leh cha ka Final wei da ku ko leh cha ka Super Division neibynta ka samoi wow wan.
Ka Semi Final wa ar u pynman ha ka 24 tarik hapyrdi ka Ladrymbai-B SC waka Tpepswer SSWO heipor 1:00 waje i sngi.
Discussion about this post