Ka Saipung Block Sports Association (SBSA) ynne ka sngi da sdang ko ya ka Super League Football Tournament 2023 yong ka deiwa emlang u President ka SBSA, u Victor Suja wa u Secretary, u Rimi Shadap deilang wa u waheh chnong ka Mulait, u Defend Pakem wa u waheh chnong ka Lamyrsiang, u Dominic Pala.
Da sdang da ka yalehke hapyrdi ka Mulait United waka Lamyrsiang SCC heiwa ka Mulait United da jop ko da 2-1.
Ya ka Mulait United da thap kool da u Jeffrey Surong haka minit wa 13 wa u Sani Phawa haka minit wa 33.
Ya ka kool ka Lamyrsiang da thap bakla da u Thinkwell Bareh haka minit wa 45+3.
Ki yalehke u pteiñ biang mynstep da ar tylli ki yalehke heiwa ka Tluh SC u yachem ko waka Jarain SC heipor 11:30 i step wei daw pynbood da ka Jalaphet Brisumer waka Mynthning SC heipor 1:30 i sngi.
Ha uni u snem ki liang wa em hapoh ka Super League toh ka 10 tylli wa kynthup ya ka Mulait United FC, ka Latyrke SC, ka Lamyrsiang SCC, ka Jalaphet Bri-Sumer SC, ka Jarain SC, ka Narwan SC, ka Lakasein SC, ka Tlih SC, ka Mynthing waka Shnongrim SC.
Discussion about this post