Ka seiñ HANM da pynbna ko ini wa dep wow lai cha Delhi yow pynman yakhih yow dawa Inner Line Permit (ILP), i tipmit ya ka ktien Khasi wa Garo wei wow pynbait noh ya u pood u ang waka Assam wei heini i yakhih daw lai e dorkhat cha ka yung krehkaam u Home Minister, Prime Minister wa cha ka President ka ri hajrong kini ki phang.
Ka yakhih wa daw pynman toh deiwa chong kyllaiñmyngngor ha Jantar Mantar, Delhi neibhah wa waroh chi kattu ka yakhih toh kawa da pynman du hapoh ka jylla donhi.
Kamtæ hajrong ini, ka seiñ JNC leh da pynsñiaw ko yei kyrchaan wei wow ya krehlang waka HANM deiwa ka leh u lai lang ko cha Delhi ha ka 1 tarik u Khonchonglad (Nov) heiwa ya ka yakhih daw pynman won ha ka 3 tarik.
Ka JNC da ong ko wa toh kawa da jooh ya krehlang waka HANM nadooh ki por wa nachwa hapoh ka Confederation of Meghalaya Social Organization (COMSO) yow pyrchah yei pynkrehkaam ya ka aiñ CAA wei da ya krehlang ki leh hapoh ka Save Hynniewtrep Mission.
Heiyatoh waka ILP, ka JNC da ong ko wa lada ka sorkar ye ko wow e cha ka jylla Manipur ileh ym e lang ya ka Meghalaya.
Da khut leh ya kiwa em ha Delhi kiwa napoh ka jylla wow ya wan ki wow embynta lang ha kani ka yakhih.
Discussion about this post