Jop ka Dongmihsngi, ka Kyor Tyrkhang waka Maya Club Wahiajer ha ka Senior Football League ka TSA

Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi.

Ha ka yalehke wa nyngkong, ka Maya Club Wahiajer da jop ko ya ka Khliehtyrchi SSCC da 4-0 da ki kool wa thap da u Lamami Phawa haka minit wa 52, u Dahi Lamare haka minit wa 67, u Ebiangmi Lamare haka minit wa 69 wa u Samiyo Dhar haka minit wa 73.

Ha ka yalehke wa ar, ka Dongmihsngi Ummulong da jop ko yaka Nongkhroh Wah Sohbar da 2-0 da ki kool wa thap da u Stevenson Phawa haka minit wa 2 wa u Arwin Dkhar haka minit wa 37.

Ha ka yalehke wa le ka Kyor Tyrkhang da jop ko yaka Mukhla Mission da 2-1. Ya ki kool ka Kyor Tyrkhang da thap da u Sony Rymbai haka minit wa 16 wa u Heimon Phawa haka minit wa 23 katwa yaka Mukhla Mission da thap da u Perritos Pariat haka minit wa 51.

Related posts

Jop ka Byndihati ya ka Women’s League 2025 ka EJHDFA

December 20, 2025

U pynkup burom ka MFA ya ki 40 ngut kiwa da yarap pynku yei yalehbol | Puræ yei pyrtuid ki heini

December 20, 2025