Lai tyrrah ka Ambulance ya ka Truck, mynsoo ar ngut

Kawi ka kari Ambulance da lai tyrrah ko ya kawi ka Truck 16 chaka ynne i step heipor kamwa 2:00 waje ha chnong Iawthymme iwa em hajan ka chnong Iooksi.

Hapoh kani ka Ambulance da em 3 ngut heiwa da mynsoo kiwa chong katwa uwa yah won da lait u nei mynsoo. Kiwa mynsoo ym toh ki bru wa kjut wa kit kani ka Ambulance.

Kani ka Ambulance toh kawa thied da ka JHADC hapoh ka SAG Scheme 2019-20 neibynta ka 13-Saphai Constituency we da pynlai ya ka da chnong Iawthymme deilang waka chnong Saphai.

Kani ka Truck toh kawa kit khyndaw-bilat yow lai pynhaap cha Assam wei da sangeh ko ha rood sarok heipor wa wan tyrrah kani ka Ambulance ka.