Super Division: Jop ka 7 Wasa yaka Shangpung Lumiawmuchai

Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa chiphaw ynne deiwa pynman ka wi ka yalehke.

Ha ka yalehke wa da pynman, ka 7 Wasa da jop suk ko yaka Shangpung Lumiawmuchai da 5-0 da ki kool wa thap u Dashngain Sukhlain haka minit wa 9, 60 wa 76, u Riburom Jat haka minit wa 32 wa u Surip Maner haka minit wa 58.

Ini toh i sien wa nyngkong wa jop ka 7 Wasa katwa ar sien won da kut da khlem em wa jop katwa ka Shangpung Lumiawmuchai da jop ko chisien wei da rem ko la ar sien.

Ka yalehke wa bood u pynman mynstep hapyrdi ka Nangbah Mulang waka Sailung Ialong heipor 2:00 waje i sngi.