Ka yung krehkaam u Deputy Commissioner, West Jaiñtia Hills District deiwa ya krehlang waka yung krehkaam u District Sports Officer ka West Jaiñtia Hills ynne da pynman ki yaka Fit India Freedom Run 4.0 deilang waka National Unity Day Run,2023 (Rashtriya Ekta Diwas).
Kani ka yaphet pyllah kawa neibynta ki chynrang wa ki kynthai (Open Category) toh kawa da kaweh lama da u DSO kawa da sdang na Main Gate ka Kiang Nangbah Stadium wei da lai lyngba ka Ladthadlaboh Main Road-Jowai Public School-Polytechnic-Kchaaid Rymphum-Salaroh-Dulong Poh-Hali Road-Dulong-Pamhadem-Panaliar (MCH Hospital)-Iongpiah-Mission Compound-H.K.Singh School-DC Office-New Hill-Ladthadlaboh wei da pynkut ha Kiang Nangbah Indoor Stadium heiwa da wan wow chimbynta 150 ngut ki chynrang wa kynthai.
Neiliang ki chynrang da yoh nyngkong da u Teiboklang Biam uwa da pyndep yei phet heipor 32 minit wa 21 Second uwa na Sabahmuswang.
Hei wa ar da yoh u Dasaman Kyndait uwa da pyndep yei phet hei por wa 32 minit wa 45 Second uwa na Sabahmuswang.
Hei wa le da yoh u Daemiryntihki Pakma uwa da pyndep yei phet heipor wa 32 minit wa 52 Second uwa na Thadbamon.
Ha ki kynthai da yoh nyngkong da ka Happiness Phawa kawa da pyndep yei phet heipor wa 46 minit wa 26 Second kawa na Sabahmuswang.
Hei wa ar da yoh ka Monlangki Kyndait kawa da pyndep yei phet heipor wa 50 minit wa 27 Second kawa na Mihmyntdu.
Hei wa le da yoh ka Mini Kyndait kawa da pyndep yei phet heipor 54 minit wa 36 Second kawa na Mihmyntdu.
Kiwa yoh nyngkong da yoh ki Rs. 4000, kiwa yoh wa ar da yoh ki Rs. 3000 katwa kiwa yoh wa le da yoh ki Rs. 2000.
Discussion about this post