U District Magistrate ka East Jaiñtia Hills District da pynmih hukum u hapoh ka Section 144 CrPC deiwa khang ya ki dukan næ kiwon kiwon ki thaw khayi pateiñ wow chna wow booh ya ki deiwa jngai 50 Meter na i thaw wa ye ka um u poi manda heh um.
Ya kani ka hukum da pynmih neibhah lada em ki dukan næ ki thaw wa pynman ya ka khayi pateiñ kiwa em chajan ki um ki wah, daw ye ki wow ktah ya ka um hapoh District wei da emkaam wow pait bniah yeini waroh deiwa booh da ki kyndon aiñ.
Waroh kiwa em i thmu wow chna ha kini ki thaw wa da kdaw hap ki wow yoh bor chwa na ka yung krehkaam u District Magistrate, East Jaintia Hills District, Khliehriat, da ong chooh chooh ka hukum.
Discussion about this post