Sdang ka Super Division ka East Jaiñtia Hills District Football Association

Ka Super Division ka East Jaiñtia Hills District Football Association (EJHDFA) kawa tip leh kam ka 3^rd Kyrmen Shylla Contribution Trophy da sdang ya ka ynne da ar tylli ki yalehke.

Ha uni u snem ki liang wa em hapoh ka Super Division toh ka Sutnga SSCC, ka Rymbai Shkenshynriah SC, ka Moolamanoh SC, ka Rymbai Iawpynsing SC, ka Dhana SC, ka Rymbai Wahshnong SC, ka Thangskai Tiger SC waka Khliehriat YWSC.

Ya kani ka lympung yalehbol da wan wai da u Shitmon Pdang, LLB uwa man kam u Public Prosecutor ka District & Session Court ka East Jaiñtia Hills deiwa emlang ki waheh chnong, ki bru bna pyrtuid ka District deilang wa ki dkhot ka EJHDFA.

Ya ka yalehke da sdang da ka Sutnga SSCC waka Rymbai Iawpynsing SC heiwa da jop da ka Sutnga da 3-1.

Ya ka Sutnga da thap kool da u Neesta Feeco Bamon haka minit wa 3, u Sumarbha Bareh haka minit wa 11 wa u Ioanis Suchen haka minit wa 90+4 katwa yaka Iawpynsing da thap da u Sixkiru Lyngdoh haka minit wa 32.

Ha ka yalehke wa bood, ka Rymbai Shkenshynriah SC da jop ko da 5-1 yaka Rymbai Wahshnong SC.

Related posts

District Cricket League: Jop ka Wahiajer ya ka Mowkaiaw

March 5, 2026

Ha ka 6 tarik u pynkut ya ka 1st War Jaiñtia Junior Football Championship

March 5, 2026

Ya ka Shkenshynriah da yoh Hat-Trick u Ribiang Dkhar haka minit wa 15, 58 wa 86, kiwi de kiwa thap kool toh u Hikaidame Bareh haka minit wa 69 wa u Roiboklang Bareh haka minit wa 90+2 katwa ya ka Wahshnong da thap da u Silas Lyngdoh haka minit wa 81.

Ki yalehke wa bood u pynman ha ka 3 tarik hapyrdi ka Moolamanoh SC waka Thangskai Tiger SC heipor 12:00 waje pyrdi sngi wei daw pynbood da ka Dhana SC waka Khliehriat West YWSC heipor 2:00 waje i sngi.