Da phah ya ki District Council wow leh da ka Digital Registration ya ki thaw ki bhaw

U Symbood Montri Rangbah ka jylla wa pait ya ka chnat District Council Affairs (DCA), u Prestone Tynsong ynne ka sngi da yatai sani bha u wa ki le tylli ki Autonomous District Council (ADC) neibynta wow booh thup noh ya ki kot ki sla ki thaw ki bhaw deiwa pynman noh kam ki ‘Digital Records’.

Hawa klam hadien ka yalang, u Prestone da khana u wa ka sorkar India da mynjur ko wow pynlut neibynta wow leh ya ka ‘Digital Registration’ ya ki thaw ki bhaw wei neiliang ka sorkar jylla da e kti ko ha ki District Council wow pynkrehkaam.

Katkam i ong u Symbood Montri Rangbah, kamwa man hadooh kattæ ha ki District Council wa ha Meghalaya waroh kawi ym em itæ i booh thup ya ki thaw ki bhaw wei lada nujor yaka Meghalaya wa kiwi da yaphær wei ha UP suk bha wow tip ya ki thaw neibhah da pynemkaam ya ka ‘Digital Registration’, wei ini daw yarap leh lada mih i yaknieh wei ya kajia thaw.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024