Ka 1st Division ka West Jaiñtia District Sports Association (WJDSA) kawa tip leh kam ka ‘U Chatister Kharkongor Memorial Trophy’ da poi ko cha ka sngi wa khaddooh ynne chwa wow sdang syndon ya ki yalehke Semi Final.
Ki yalehke wa da pynman ynne toh ar tylli heiwa ha ka yalehke wa nynkong, ka Wahiajer da jop ko yaka Khliehiongriang da 1-0 da ka kool wa thap u Geoge Ryngkhlem haka minit wa 4.
Ha ka yalehke wa ar, ka Dulong da jop ko yaka Moosalyngkat da 2-0 da ki kool wa thap u Wansa O Laloo haka minit wa 59 wa u Sahame Sumer haka minit wa 69.
Kamtæ kiwa yoh u psiah Semi Final toh ka Demthring, Nangbah Iawmusiang naka Group A neitæ ka Wahiajer waka Dulong naka Group B.
Ka Demthring daw yachem ko waka Dulong haka 10 tarik heipor 1:30 i sngi katwa ka Wahiajer daw yachem ko waka Nangbah Iawmusiang ha ka 11 tarik heipor 1:30 i sngi.
Ka Shangpung Moosyiem waka Luti Tuber Ialong da chah pynhiar ki cha ka 2nd Division.
Discussion about this post