Da pynkylla No Entry wa One Way ya kiwa boon ki luti ha Shillong

U SP ka East Khasi Hills da pyntip u wa kam chibynta wow pynkyllooid ya ki luti syngkieñ ha ka thaaiñ Polo wa ha Madanrting, neiliang ka Shillong Traffic Police (STP) da rai ko wow pynkylla yei rukom lai kari kam chibynta wow pyrchang nadooh ka 6 tarik uni u bnai.

Ha ki thaaiñ Polo

Daw booh ya ka No Entry ha 4^th Furlong Junction ya ki kari wa kwah u lai cha Polo wei daw hap ki wow lai cheiliang ka CS Junction/Pinewood Junction/B.K. Bajoria Junction.

Daw booh ya ka No Right Turn ha Matri Mandir Junction ya ki kari wa kwah u lai cha Polo Bazaar Junction heiwa daw hap ki wow lai cheiliang ka 4^th Furlong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Daw booh ya ka No Right Turn ha Green Hills Junction ya ki kari wa wan na Polo Towers Road ya kiwa kwah wow lai cha 4^th Furlong wei daw hap ki wow dong cha timun ha Polo Bazaar Junction deiwa lai cha 4^th Furlong.

Ha ki thaaiñ Madanrting

U sarok na Lumbasuk Junction cha National Law University (NLU) daw man noh u kam u One Way ya ki kari wa wan na Lumbasuk Junction cha NLU.

U sarok na Demthring Petrol Pump cha Madanrting Presbyterian Junction u man noh u kam u One Way neibynta ki kari wa wan na Demthring Petrol Pump Junction yow lai cha Madanrting Presbyterian Junction.

U sarok na Madanrting Market Junction yow lai cha Demthring Petrol Pump Junction u man u leh kam u One Way ya ki kari wa wan na Madanrting Market Junction cha Demthring Petrol Pump Junction.