Ka lehkmen wa kyrpang kawa tip kam ka ‘Khadi Mahotsav’ kawa da pynman ha ka phang “Khadi for Nation, Khadi for Fashion” da lehkmen ya ka nadooh myntu u snem hapoh waroh kawi ka ri ha u Naichiphaw nadooh ka 2 tarik hadooh ka 31 tarik.
Ka thong ka Khadi Mahotsav-23 toh yow pynchlur ya ki that kiwa thaiñ hi hapoh ki chnong ki thaw kamjooh ki mar wa da pynmih da ki karkhana khian kiwa em hapoh ka chnong wei khamtam ya ka One District One Product deiwa jied ya iwi i mar wa miat yow pynpawnaam ya ka District deilang wa kiwi de ki mar wa da pynmih hapoh ka jylla hapoh ka thong “Vocal for Local” waka “AtmaNirbhar Bharat Abhiyan” yow pynman ya ka ri kam kawa ye u pynmih wei pyndap ya iwa emkaam ka ri.
Hajrong ini, neiliang ka yung krehkaam ka Khadi & Village Industries Commission, Shillong (Meghalaya) da pynman ki ya kiwa boon ki yalang nadooh ki Seminar, ki Khadi Yatra, ki Khadi Charcha, ki Khadi Pledge wa Mini-Exhibition ka Khadi Mahotsav.
Heiyatoh wa ini da pynman leh ya ka Seminar, Khadi-Pledge, Khadi Charcha wa Khadi Yatra ha ka 20 tarik u Naichiphaw ha Ummulong Community Hall, West Jaiñtia Hills District heiwa u Subir Marak, Chairman, Meghalaya Khadi & Village Industries Board (MLA, Rangsakona) da man u kam u kongsan.
Da emlang leh wa kiwa kreh wa ki sahep ka KVIB, DCIC, MCAB, kiwa ksoh kaam chnong wa kiwa chong chnong ka Ummulong kiwa da chimbynta ha ka Seminar kamjooh ka Khadi Yatra hapoh ka lehkmen Khadi Mahotsav-2023.
Ha kani ka sngi da yoh leh yei batai chaphang kiwa boon ki Scheme ka KVIC na u Mange Ram, State Director, KVIC, Shillong deiwa leh da ka Power Point Presentation.
Neiliang kiwa chong chnong ka Ummulong kamjooh ki sahep wa da emlang da yoh ki yei tipmit neibynta ki kaam yong ki wow e mynsien yow pynlai yaaw wei wow chna ya ki mar yow poi cha ka thong “Vocal for Local” yow pynku yei kamai kajih da ka KVIC.
Discussion about this post