Emkaam u smat wan pynyoo Doctor yow ye u pyndooh jait ya ka kjut Tuberculosis

U Montri Rangbah ka jylla, u Conrad K Sangma ynne da wai u ya ka North East TB Free Summit kawa da pynman ha Courtyard Marriot deiwa emlang ka chnat i chait i khiah, ka Dr. M Ampareen Lyngdoh wa u Dr. Roderico H Ofrin, WR, WHO India.

U Conrad hawa e yei klam da ong wa slem bha u chem ya kiwa yoh Tuberculosis khamtam ha kiwa dooh wa duk neidaw wym jooh lai pynyoo Doctor ki wei manda lai ki leh toh manda joor bha i chitom.

Kamtæ da ong u emkaam bha wow ya krehlang ka imlang sahlang yow pyntikna wa yoh yei baam wa chait wa khiah, i rukom sumaar wa thymme, i pynemkaam yei stat ka juk kawa katni kamjooh i pynsñiawthooh paidbah yow smat ki bru u wan chakhmat yow lai pynyoo Doctor wei kamjooh leh yow man kiwa lehkhooid yow pynman ya ka ri India kawa da lait nei kjut TB kat ha u snem 2025.

Da ong u leh wa ka jylla em ko ka jooh ka thong kam ka ri wei neidaw wa i rukom man ki thaw ki bhaw ka jylla da emkaam wow booh ya ki thaw sumaar TB ha ki thaw wa em cha palatsor. “Ka thma pyrchah yei kjut TB ym pu em kut ko wei i kreh chitom kiwa embynta da ye wow lai chakhmat yow pynduna yei ktah i kjut TB.”

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da kyntu leh ya waroh kiwa kreh ha ini i kaam wow pteiñ ki yei kaam wa bha deiwa ong wym toh u man kam ka sorkar wa wanrah Scheme donhi tangwa kawa ye wow pynkylla yei im ki bru.

Ka Dr. Ampareen Lyngdoh won da ong ko wa u ye wow pyndooh wei wow pyndooh ya ini i kjut toh deiwa ya krehlang ka imlang sahlang wei wow pynbiang leh ya ki laad yarap naka sorkar.

U Dr. Roderico H Ofrin da ong u wa kani ka Summit ym du wow lehkmen yei kreh chitom ka thaaiñ North East yow pyndooh jait yei kjut TB tangwa yow pynpoor ya ki kyntien kammon wow leh ya ki kaam wa bha wa ki rukom myllieñ wa bha.

Neiliang u Montri Rangbah da pynlait paidbah u leh ya ka Meghalaya Mobile Portable AI X-Ray Diagnostic Facility.

Da ya emlang ha kani ka sngi wa u Dr. Rajendra P Joshi, DGB (TB) ka sorkar India, u Director ka NEIGHRIMS, u Dr. Nalin Mehta, ki Secretary ka chnat i chait i khiah na Nagaland wa Manipur wa kiwi ki sahep sorkar na ki jylla ka North East kamjooh napoh na ka sorkar Meghalaya.