Pdiang ka ABVP Meghalaya ya ki 10 ngut kiwa wan chapoh ka jylla kam chibynta ka SEIL 

Ka Students Experience in Inter State Living (SEIL) toh kawa da sdang nadooh u snem 1965 kawa da pynlai da ka seiñ Akhil Bharatiya Vidyarthi Parishad (ABVP) yow lai yah ya kiwa lai puræ cha kylleiñ ka ri yow sñiawthooh yei rukom im na kawi ka thaw cha kawi. 

Ya kani ka SEIL da pynman ya ka kam ka Student Tour waka Cultural Exchange Program heiwa ki khynnah na ka thaaiñ mihsngi ka ri leh da lai ki cha kiwi tawon ki jylla wei ha u Thohlakhmi (Feb) yong uni u snem kiwa da em kamwa 100 ngut na Meghalaya wa chimbynta. 

Kamtæ ynnin ka 6 tarik ka seiñ da pdiang burom ko ya ki khynroo khyllood wa wan na kiwi ki jylla ka ri kiwa em kamwa 10 ngut heiwa da em 3 ngut kiwa lai cha Shillong, 4 ngut cha Tura wa 3 ngut cha Jowai wei ya kani ka lai uiñ daw pynman 15 sngi. 

Ya kani ka SEIL da pynman wow em i yajan ki bru na kiwi ki jylla waka thaaiñ mihsngi ka ri hei wow tip ki yei rukom im yong ki bru ha kiwi ki jylla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya kini ki 10 ngut daw pynsah ya ki ha yung ki bru hi khnang wow em i yajan wa i tipmit kamjooh leh wa da em ka thong krehkaam ka sorkar kawa ong ‘One Nation, One Family, One Culture’.

Kini ki 10 ngut daw neh ki hapoh Meghalaya hadooh ka 19 tarik uni u bna wei daw lai ki leh cha ki thaw yong rim, ki thaw uiñke suwari wei wow yachem ki leh wa ki bru wa pawnaam ka jylla.

Waroh kiwa wan cha North East da em ki 75 ngut kiwa na kiwa boon ki jylla wei da jied leh 75 ngut kam ka dak wow lehkmen yeiwa dap 75 snem ka ABVP.