Uwa yahkhmat ka BJP uwa man leh u MLA na Pynthorumkhrah, u AL Hek da khana u wa em 3 ngut kiwa da pynkhreh wow yakhun ya ka Election MP na Shillong naka BJP wei ka Party daw bichaar ko napyrdi kini ki 3 ngut uwon wa biang tam wow yakhun ya ka Election.
Hawa klam ynne ka sngi, da ong u wa i pyrtuid yong oo em ko napyrdi kitæ ki 3 ngut, tangwa yei pyrtuid yong kiwi won ki ar ngut ympu tip hadooh kattæ kiwa neiwon.
Da ong u wa lada ka Party yoo biang ko ya uwon uwon leh na kitæ ki 3 ngut, u kreh chitom wow yoh yei jop.
Hawa kylli hajrong ka khubor wow psiah BJP u MLA ka TMC uwa man leh u Montri Rangbah warim, utæ u Dr. Mukul Sangma, neiliang u Hek da ong u wa ymem yachem u wa u Dr. Mukul wei ym tip u wa hadooh katwon toh kiwa sakhiat wa daw psiah noh u cha ka BJP wei da pynrap u wa ka dwar yong ka BJP u wai ko neibynta waroh kiwa kwah wow wan psiah ha iwon iwon i por ym du na ka TMC.
Discussion about this post