Ka 5th Evening Super-4 Football Tournament 2023 wa pynman da ka Sports & Youth Affairs Committee ka Chutwakhu Social Welfare Durbar, Jowai da pteiñ ya ka ynne i miet deiwa sdang ya ki yalehke ka Quarter Final da artylli ha madan Basketball wa em ha madan Jrisaleiñ.
Ha ka yalehke wa nyngkong, ka Pra I Cheini da jop ko yaka Chicago SC da 2-0 lyngba ki kool wa thap u Ferdinand Pakynteiñ haka minit wa 27 wa u Chanmitre Thma haka minit wa 44.
Ha ka yalehke wa ar, ka Mixed United da jop ko yaka Dongmihsngi Junior da 5-0 da ki kool wa thap u Allan Donald Pasleiñ haka minit wa 9, u Kenite Bareh haka minit wa 23 wa 25, u Dowell Shylla haka minit wa 31 wa u Da E Kyrpang Phyrngap haka minit wa 47.
Ki yalehke mynstep u pynman hapyrdi ka Iong I Junior waka Mids United heipor 6:00 waje i miet wei daw pynbood da ka Dreamers FC waka Raises United heipor 7:00 waje i miet.
Discussion about this post