Kam chibynta ka Gaurav Jan Jatiya Divas (Tribal Pride Week), neiliang ka chnat Arts & Culture deiwa ya krehlang waka Shillong Public School da pynman ki yaka State Level Inter School Traditional Singing Festival cum Competition ha Lariti Performing Centre ynnin ka sngi wei da man ko kawa phooh wei kawa chongchit.
Ya kani da pynman yow e rynsan ya kiwa dang khian rta yow pynyoo yei sap yong ki wei kini ki khynnah skur da pynyoo sakhiat ki yei sap rwai ya ki sur tynre kam chibynta leh wow lehkmen ya ka dustur riti.
Ha kani ka sngi da emlang leh ki KC Lights Choir kiwa dang dep jop wot ar tylli ki Takma Ksiar ha ka yakob International Choir Competition wei da pynkmen ki ya kiwa chimbyna deiwa e yei rwai yong ki.
Neiliang u FR Kharkongor Commissioner & Secretary Arts & Culture da saam u leh ya ki khusnaam cha ki skur wa jop ha ka Solo wa Group wei da pynbna u leh wa kini kiwa jop daw yoh ki wow chimbynta ha ka sngi sdang yaka Jan Jatiya Gaurav Divas kawa daw pynman ha ka 15 tarik uni u bnai wei kamjooh ha ka Tri Hills Ensemble kawa daw pynman ha ka 24 tarik da ka chnat Department of Arts & Culture.
Discussion about this post