Ka 5th Evening Super-4 Football Tournament 2023 wa pynman da ka Sports & Youth Affairs Committee ka Chutwakhu Social Welfare Durbar, Jowai da pteiñ ya ka ynne i miet deiwa pyndep ya ki yalehke ka Quarter Final da artylli ha madan Basketball wa em ha madan Jrisaleiñ.
Ha ka yalehke wa nyngkong hapyrdi ka Mid’s United waka Iong I Junior da kut ko da 1-1 hadooh wa kut i por.
Ya ka Mid’s United da thap kool da u Sawi O Tariang ha ka minit wa 11 katwa yaka Iong I Junior da thap kool da u Prem haka minit wa 49.
Kamtæ da pynman da ka yachut Tie-Breaker heiwa ka Mid’s United da jop ko da 1-0.
Ha ka yalehke wa ar, ka Dreamers FC da jop ko yaka Raises United da 4-1.
Ya ka Dreamers da thap kool da u Damon Nongjngi haka minit wa 14 wa 31 kiwa waroh ar da ka Penalty, u Eddie Eleazer Bamon haka minit wa 34 wa u Banchan Lytan haka minit wa 41 katwa yaka Raises United da thap kool da u Heini Da O haka minit wa 50.
Ki Semi Final u sdang ki nadooh ka 14 tarik heiwa ka Pra I Cheini u yachem ko waka Mixed United heipor 6:00 waje i miet wei ka Semi Final wa ar u pynman ha ka 15 tarik hapyrdi ka Mid’s United waka Dreamers FC heipor 6:00 waje i miet.
Discussion about this post