Ka Super League ka Saipung Block Sports Association (SBSA) da poi ko cha ka sngi wa khad-ar ynne deiwa pynman ar tylli ki yalehke.
Ha ka yalehke wa nyngkong, ka Jalaphet Bri Sumer SC da jop ko yaka Lakasein SC da 1-0 lyngba ka kool wa thap u Bingo Chyrmang haka minit wa 67.
Ha ka yalehke wa ar, ka Mulait United da jop ko yaka Latyrke SC da 2-0 da ki kool wa thap u Jeffree Surong haka minit wa 55 wa u Soni Phawa haka minit wa 77.
Ki yalehke wa bood u pynman ha ka 13 tarik hapyrdi ka Lamyrsiang SCC waka Narwan SC heipor 11:30 i step wei daw pynbood da ka Mynthning SC waka Tluh SC heipor 1:30 i sngi.
Discussion about this post