Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa khad-khynde ynne deiwa pynman ka wi ka yalehke.
Ka yalehke wa da pynman toh hapyrdi ka Ladthadlaboh waka 7 Wasa heiwa ka Ladthadlaboh da jop ko da 1-0.
Ka kylla step kani ka yalehke da kut ko khlem em wa yoh u thap wei haka kylla miet manda jan kut ka yalehke haka minit wa 82, u Buromlangki Salahe da yoh u wow thap yaka kool wa pynjop yaka Ladthadlaboh.
Ka Ladthadlaboh kattu da jop ko soo sien wei da rem ko chisien katwa ka 7 Wasa won da jop ko arsien, ya drawn arsien wei da rem ko chisien.
Ka yalehke wa bood u pynman mynstep hapyrdi ka Sailung Ialong waka Shangpung Lumiawmuchai heipor 1:30 i sngi.
Discussion about this post