Iwa sñiaw yahaap wa paan ki ASHA u leh: Ampareen

Hadien ka yakhih wa khlem booh por yong kiwa kreh kam ki Accredited Social Health Activist (ASHA), neiliang ka Montri wa pait yei chait i khiah ha ka jylla, ka Dr. M. Ampareen Lyngdoh ynne ka sngi da pynsñiaw ko wa smat ko wow yachem wa ki ASHA deiwa pynrap wa ya iwa sñiaw yahaap daw leh wei lada paan ki yei wym ye ka sorkar ym ye wow leh iyi iyi leh.

Da ong ko wa kam ka Montri da yaklam ko wa u Montri Rangbah ka jylla yei rukom su ya ki ASHA wei wow yaleh katwa ye wow pyndep noh wei da khana ko leh wa da paan pynche na ka chnat wa ileh kitæ ki ASHA waroh chi kattu da hap ki wow krehkaam waroh chi sngi kamwa da ong ki, wa ye u man wa leh ki yei kaam wym toh u leh da ki neibhah em ki kaam wa toh u leh da ki ANM wa MLHP leh.

Hawa yatoh wa i su wa da yoh ki ASHA, neiliang ka Montri da kyntait ko yei kam yong ki wa yoh ki du Rs. 66 chi sngi, deiwa pynkynmoo wa kamwa 9 bnai nachwa i su wa sahteiñ da dep wow e lut cha ki, wei em ki ASHA kiwa yoh ya ka bai rneng kawa Rs. 18,000 ha ki 6 bnai wei kiwa boon yoh ki Rs. 28,000, wei em kiwa yoh Rs. 38,000 wei em kiwa da yoh palat yeini i su ha ki 6 bnai, neibhah chong katkam i kreh wa ye ki u leh.

Da ong wa lada pait yei yoh i kot wa da bhah, lada ki ASHA u kreh bait ki thih yei kaam wa da booh, kamwa 5 hajar chiteiñ næ 6 hajar u yoh ki chibnai, wei ymtoh iwa sakhiat wa yoh ki du Rs. 66 chi sngi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da khana ko wa neibynta i su wa Rs. 2000 chi bnai cha ki ASHA, ha u snem 2021-22 ka sorkar da pynlut ko Rs. 16.32 klur wei i su yaka poisa wa sah man ko Rs. 53 klur.

Da pyntip ko leh wa ha u snem 2022-23 i su wa Rs. 2000 chibnai cha ki ASHA dapoi ko cha Rs.16.98 klur, chooh chooh na ka NHM i su ya ki ASHA ha u snem 2021-22 da man ko Rs. 21.96 klur wei ha u snem 2022-23 ka NHM da pynlut ko Rs. 22.68 klur neibynta ki ASHA.

Ka Dr. Ampareen da ong ko wa i pynlut neibynta wow su cha ki ASHA ha u snem 2021-22 waroh dapoi ko Rs. 91.2 klur wei ha u snem 2022-23 dapoi cha Rs. 40.5 klur.

Waroh ki ASHA wa em hapoh ka jylla toh 7076 ngut heiwa na kini kiwa kreh cha ki thaw wa em cha palatsor man ki 6811 ngut katwa ha sor won 265 ngut.